106年台灣母語創作徵文比賽 《國小5-6年級組  閩南語詩》佳作

春夏秋冬             五丙  陳禹誌 

春天，

伊親像一个亂鐘仔，

叫醒花叫醒草，

做一領花仔衫，

予天公伯穿著媠閣笑。

熱天，

伊親像一个大烘爐， 

共小朋友的面烘甲紅絳絳，

借問咧～

恁是毋是食著好食的紅豆餅？

秋天，

伊親像一隻猴山仔，

愛呼噓仔愛創治，

共樹仔公的青帽仔藏去覕，

換一頂黃色的帽仔。

寒天，

伊親像一个鼓亭畚，

囤仔囤，

共飽穗的稻仔疊滇滇，

予逐家好過年。

毋通袂記，

阮的紅包嘛要貯滇滇。